İsrail: Qəzzada üç məhbusun cəsədi tapılıb

HƏMAS oktyabrın 7-də “Əqsa tufanı əməliyyatı"nda 239 israillinin əsir götürüldüyünü açıqlayıb. İsrail rəsmilərinin bildirdiyinə görə, Qəzza zolağında bəziləri sağ, bəziləri isə ölü olmaqla 130-dan çox əsir var. Təl-Əviv bu gün oktyabrın 7-də öldürülən 3 israillinin cəsədinin tapıldığını açıqlayıb.

İsrail ordusu oktyabrın 7-də öldürülən və cəsədləri Qəzza zolağına aparılan 3 israillinin cəsədinin tapıldığını açıqlayıb.

Ordu sözçüsü Daniel Hagari mətbuat konfransında Qəzzada 3 israillinin cəsədinin tapıldığını bildirib.

Qəzzada cəsədləri tapılan israillilərin adlarının Şani Louk, Amit Bouskila və İtzhak Gelerenter olduğunu bildirilib.

Oktyabrın 7-də Louk, Bouskila və Gelerenterin öldürüldüyünü bildirən Həcəri, sözügedən israillilərin cəsədlərinin həmin gün Qəzzaya aparıldığını qeyd edib.

İsrailin baş naziri Benyamin Netanyahu sosial media hesabında paylaşdığı başsağlığı mesajında “Ölü və diri bütün girovlarımızı geri qaytaracağıq” deyib. dedi.

HƏMAS Hərəkatının Siyasi Bürosunun rəhbəri İsmayıl Haniyə mayın 6-da Qəzza zolağında atəşkəs və məhbus mübadiləsi sazişi ilə bağlı Qətər və Misirin təkliflərini bəyəndiyini açıqlayıb.

İsrailin Hərbi Nazirlər Kabinetinin Həmas-ın açıqlamasına cavab olaraq Qəzzanın Rəfah bölgəsinə hücumları davam etdirməsi qərarı İsraildə atəşkəs və əsir mübadiləsi istəyənlərin reaksiyasına səbəb olub.

HƏMAS-ın hələ də 129 israilli məhbusu saxladığı təxmin edilir.

*Xəbərin vizualını AP təqdim edib və arxivdəndir.

Mənbə: Habertürk

Tərcümə etdi: Aysel Ağakərimova