İsrailin Livana hava hücumu: Hizbullahın iki komandiri öldürülüb

İlk növbədə onu qeyd etmək lazımdır ki, bu hücum tərəflər arasında olan gərgin münasibətləri daha da kəskinləşdirə bilər.

Məsələ ilə bağlı politoloq Aytən Qurbanova "İnformator.az"a açıqlamasında bildirib ki, xüsusilə də, bu hücum nəticəsində regional gərginliyin artması ehtimalı kifayət qədər yüksəkdir:

"Eləcə də, İran kimi regional aktorların proseslərə cəlb olunması riskini nəzərə aldıqda, beynəlxalq ictimaiyyətin bu hücuma münasibəti birmənalı olmaya bilər. Kollektiv Qərb İsrailin özünümüdafiə hüququnu müdafiə etməyə davam etsə də, hərbi əməliyyatların genişlənməsini dəstəkləyə biləcəklərini düşünmürəm. Nəticə etibarilə, İsrail-Hizbullah qarşıdurması davam etdiyi halda kifayət qədər gərgin olan regional münasibətlərdə yeni kəskinləşmə mərhələsinin başlanğıcı ola bilər".

Gülcan Salahova