İstanbulda ABŞ-Rusiya kritik görüşü

ABŞ və Rusiya nümayəndə heyətləri səfirliyin fəaliyyətinin müzakirə olunacağı görüş üçün İstanbulda bir araya gəlib.

Türkiyə dünya siyasətində böhran həlledici rolunu davam etdirir. Bu günə qədər bir çox mühüm görüş və razılaşmalara ev sahibliyi edən İstanbul bu gün ABŞ və Rusiya arasında diplomatik görüşə səhnədir.

ABŞ və Rusiyanın yüksək səviyyəli diplomatları ABŞ-ın İstanbuldakı konsulluğunun iqamətgahında görüşüblər.

İki ölkə Ukrayna müharibəsinin əvvəlində qarşılıqlı olaraq dayandırdıqları səfirliklərin fəaliyyətini bərpa etməyi düşünürlər.

Tərcümə etdi:Ayşən Səlimova
Mənbə:TRT haber