Kobaxidze ATƏT sədri ilə görüşünü ləğv edib

Gürcüstanın Baş naziri İrakli Kobaxidze oktyabrın 14-də Tiflisdə keçirilən etiraz aksiyasında iştirak etdiyinə görə ATƏT-in fəaliyyətdə olan sədri və Finlandiyanın xarici işlər naziri Elina Valtonenlə görüşü ləğv edib.

"İnformator.az" xəbər verir ki, bu barədə Gürcüstan hökumətinin mətbuat xidməti məlumat yayıb.

“Dünən qanunsuz mitinqdə iştirak etdiyinə və yalan bəyanatlar verdiyinə görə Finlandiyanın xarici işlər naziri ilə planlaşdırılan görüş ləğv edilib”, - məlumatda deyilib.

Qeyd edək ki, Elina Valtonen ötən gün Tiflisin Rustaveli prospektində keçirilən etiraz aksiyasında iştirak edib.