Lavrov: Ukraynaya danışıqları 2 iyun tarixində İstanbulda keçirməyi təklif etdik

Rusiya Xarici İşlər Naziri Sergey Lavrov bildirib: “Ukraynaya danışıqları 2 iyun tarixində İstanbulda keçirməyi təklif etdik”.

Lavrov yazılı açıqlamasında, Türkiyə, ABŞ və Səudiyyə Ərəbistanının dəstəyi ilə Ukrayna ilə birbaşa danışıqlara yenidən başlanıldığını qeyd edib.

Danışıqların ilk mərhələsinin 16 may tarixində İstanbulda keçirildiyini xatırladan Lavrov, həmin görüşdə əldə olunan razılaşmalar əsasında 1000 nəfərə qarşılıq 1000 nəfərlik əsir mübadiləsinin həyata keçirildiyini vurğulayıb.

Rusiya tərəfinin danışıqlar nəticəsində davamlı bir həllə nail olmaq üçün memorandum hazırladığını bildirən Lavrov deyib:
“Vladimir Medinskiyin rəhbərlik etdiyi nümayəndə heyətimiz bu memorandumu Ukrayna heyətinə təqdim etməyə və qarşıdan gələn 2 iyun Bazar ertəsi günü İstanbulda yenidən başlanacaq birbaşa danışıqların ikinci raundunda zəruri izahatları verməyə hazırdır”.

Türkiyənin bu prosesə verdiyi töhfəyə görə təşəkkür edən Lavrov qeyd edib:
“Dünən Moskvaya səfəri zamanı Türkiyə Xarici İşlər Naziri Hakan Fidanın da təsdiqlədiyi kimi, qonaqpərvər Türk platforması təmin etdikləri üçün Türkiyəli tərəfdaşlarımıza bir daha təşəkkürümü bildirmək istəyirəm”.

Lavrov, sülh prosesinin uğuruna maraq göstərən hər kəsin İstanbulda keçiriləcək yeni birbaşa Rusiya-Ukrayna danışıqlarını dəstəkləməli olduğunu vurğulayıb.

Mənbə: TRT HABER
Solmaz Muradova