"Lion" tarixində ilk dəfə qadın prezidentə tapşırılıb

Fransa təmsilçisi “Lion” tarixində ilk dəfə qadın prezidentə həvalə olunub.

"İnformator.az" "Teleqraf"a istinadən xəbər verir ki, bu vəzifəni amerikalı iş adamı Mişel Kanq icra edəcək. 

O, kişi həmyerlisi Con Tekstoru əvəzləyib. 

“2023-cü ildən "Lion"un Direktorlar Şurasının üzvü olan Mişel Kanq klubun sədri və prezidenti təyin edilib. O, ‘Lion’un icraedici rəhbərliyinə dəstək göstərməkdə fəal rol oynayacaq. O cümlədən, klubun II Liqaya göndərilməsi qərarından verilən apellyasiya prosesinə rəhbərlik edəcək. Con Tekstor "Lion"dakı rəhbər postlarından, o cümlədən Direktorlar Şurasından ayrılıb.” – deyə, klub açıqlama yayıb.