Livan Pakistandan yardım istədi: İsraili dayandırın!

Livanın Baş naziri Nəvaf Salam pakistanlı həmkarı Şahbaz Şəriflə telefon danışığı aparıb.

"İnformator.az" xəbər verir ki, bu barədə Pakistan baş nazirinin ofisinin məlumatında deyilir.

Bildirilib ki, N.Salam Pakistandan İsrailin Livana hücumlarının qarşısını almağa kömək etməsini istəyib:

"Livan baş naziri Pakistandan Livana və xalqına hücumların dərhal dayandırılmasında dəstək istəyib.

Öz növbəsində Şərif İsrailin Livana qarşı davam edən təcavüzünü qətiyyətlə pisləyib və bu hərbi əməliyyatlarda minlərlə insanın həlak olması ilə bağlı başsağlığı verib".