Paris Əlcəzair vətəndaşlarına viza verilməsi ilə bağlı heç bir kəmiyyət hədəfi müəyyən etməyib və viza siyasətini yumşaltmaq niyyətində deyil.

"İnformator.az" xəbər verir ki, bunu ölkə Prezidenti Emmanuel Makron bu gün Nazirlər Şurasının iclasında bildirib.

Bu bəyanat Fransanın Əlcəzairdəki səfirinin geniş əks-səda doğurmuş sözlərinə cavab olaraq səsləndirilib.

Hökumətin rəsmi nümayəndəsi Mod Brejon prezidentdən sitat gətirərək bildirib ki, Fransa Əlcəzair vətəndaşlarına əvvəlki kimi ildə 250 min viza verməyi qarşısına məqsəd qoymayıb və onlara münasibətdə viza siyasəti yumşaldılmayacaq.