Minsk Ukrayna danışıqları üçün ən yaxşı yerdir

Rusiya prezidenti Vladimir Putin, ABŞ lideri Donald Tramp və Vladimir Zelenskinin Minskdə görüş keçirməsi hələ müzakirə olunmayıb, lakin Belarusun paytaxtı Moskva üçün ən yaxşı məkan olardı. Bu barədə Rusiya prezidentinin mətbuat katibi Dmitri Peskov bildirib.

“Bu məsələ qaldırılmayıb və heç bir şəkildə müzakirə olunmayıb. Lakin, təbii ki, Minsk bizim üçün ən yaxşı yerdir. Bu, bizim əsas müttəfiqimizdir. Buna görə də danışıqlar üçün ən uyğun məkan buradır” – deyə Peskov Minskdə danışıqların keçirilməsinin mümkünlüyü barədə suala cavab verərkən qeyd edib. Bundan əvvəl Belarus prezidenti Aleksandr Lukaşenko Minskdə danışıqların təşkili üçün hazır olduqlarını bildirib.

Mənbə:ITAR TASS
Zəhra Məmmədova