Misir 7 milyon turist axınına görə yeni rekorda imza atıb

2024-cü ilin birinci yarısında Misirə 7 milyon 069-dan çox turist səfər edib ki, bu da rekord göstəricidir. Bu barədə BRICS TV şəbəkəsinin tərəfdaşı Prensa Latina məlumat yayıb.

Nəşr qeyd edir ki, bu ilin altı ayında ölkəyə 2023-cü ilin eyni dövrü ilə müqayisədə 7 min çox turist gəlib. Turizm sektorundan əldə olunan gəlir 6,6 milyard ABŞ dollarını (581,5 milyard rubl) ötüb ki, bu da ötən illə müqayisədə 300 milyon manat çoxdur.

Misirin Turizm və Qədim Əsərlər Nazirliyi bu artımı beynəlxalq uçuşların və otel otaqlarının sayının artırılması da daxil olmaqla milli strategiyanın həyata keçirilməsi ilə əlaqələndirib.

2028-ci ilə qədər Misir illik turizmi 30 milyon nəfərə çatdırmağı planlaşdırır ki, bu da 2023-cü ildəkindən iki dəfə çoxdur. Departamentin məlumatına görə, COVID-19 pandemiyasından əvvəl turizm sənayesi Misirin ÜDM-nin 15 faizini təmin edirdi.