Misir zirvəsindən nə çıxıb?

Misirdə keçirilən Qəzza zirvəsindən sonra prezident Rəcəb Tayyib Ərdoğan razılaşmanın əhatə dairəsini dəyərləndirib. Ərdoğan qeyd edib ki, razılaşma “Fələstin problemini həll edən sənəd” deyil.

Ərdoğan, "Bu razılaşma mahiyyət etibarı ilə atəşkəs razılaşmasıdır" deyib və "iki suveren dövlət" həlli istiqamətində səylərin artırılmasının vacibliyini vurğulayıb.

ABŞ Prezidenti Donald Tramp ABŞ-yə qayıdarkən bəzi şəxslərin tək dövlət həllini dəstəklədiyini və digər ölkələrlə koordinasiyada "nəyin doğru olduğuna" qərar verəcəyini bildirib. Donald Trampın adını daşıyan müqavilənin dünya ictimaiyyətinə açıqlanması ilə Qəzzada beynəlxalq işgüzar qrupla bağlı yeni məlumatlar ortaya çıxmağa başlayıb.

BBC News
Aytac İbrahimova