Əmək Partiyasında liderlik gərginliyi artır

Böyük Britaniyanın Baş naziri və Əmək Partiyasının lideri Keyr Starmerin ətrafında gərginlik yüksəlir. “Downing Street” onun yaxın tərəfdarları vasitəsilə baş nazirə qarşı mümkün liderlik çağırışının qarşısını almaq üçün fövqəladə müdafiə planı başladıb. Səbəb: büdcə elanından sonra və ya gələn ilin mayında keçiriləcək bələdiyyə seçkilərində uğursuz nəticələr fonunda partiya daxilində narazılığın artmasıdır.

Starmerin baş məsləhətçiləri hər hansı “çevriliş” cəhdinin bazarlarda, beynəlxalq münasibətlərdə və partiya birliyində xaos yaradacağını bildiriblər. Lakin mediada sağlamlıq naziri Wes Streetingin baş nazirə qarşı çevriliş planlaşdırdığı barədə şayiələr gərginliyi daha da artırıb. Baxmayaraq ki, o, iddiaları qəti şəkildə təkzib edib.

Hökumət mənbələrinə görə, “Downing Street” artıq “tam bunker rejiminə” keçib və bu, bəzi nazirlərin fikrincə, hakim partiyanı daha da parçalaya bilər. Analitiklər bunu Əmək Partiyasının gələcək istiqaməti və Starmerin liderlik dayaqları üçün ciddi sınaq kimi qiymətləndirirlər.

The Guardian
Eslanda Kulieva