Moskva: ABŞ planı müzakirə oluna bilər, Ukraynaya isə geri çəkilmə xəbərdarlığı

Rusiya Prezidenti Vladimir Putin bildirib ki, ABŞ-nin Ukraynada müharibəni bitirmək planı “gələcək razılaşmalar üçün əsas ola bilər”, lakin Kiyev qoşunlarını geri çəkməsə, Rusiya daha çox ərazi ələ keçirəcəyini deyib.

Putin ABŞ nümayəndə heyətinin yaxın günlərdə Moskvaya gələcəyini təsdiqləyib və “ciddi müzakirələrə” hazır olduğunu bildirib. Lakin o, yenidən Ukraynanın Donetsk, Luqansk, Xerson və Zaporojye bölgələrinin tam olaraq Rusiyaya verilməsini tələb edib.

Hazırda Rusiya Ukraynanın beynəlxalq səviyyədə tanınmış ərazisinin təxminən 20%-ni işğal edir. ABŞ-dəki Müharibə Araşdırmaları İnstitutu isə bildirir ki, Rusiyanın tam qələbəsi qaçılmaz deyil.

Ukrayna və Avropa ölkələri ərazi güzəştlərinin mümkün olmadığını vurğulayıb. ABŞ-nin hazırladığı sülh planının yeni variantı üzərində danışıqlar davam edir; Putin planın “mümkün baza” ola biləcəyini deyib.

Cnn News

Ədilə Hüseynzadə