NATO liderinə görə, Rusiya-Ukrayna dalanını yalnız Tramp aça bilər

NATO rəhbəri Mark Rutte deyir ki, Ukrayna–Rusiya sülh danışıqlarındakı dalanı qıra biləcək yeganə şəxs Donald Trampdır.

Brüsseldə keçirilən NATO toplantısından sonra Rutte bildirib: “Putin düşünür ki, bizi dözüm yarışında üstələyə bilər, amma biz heç yerə getmirik".

Bundan əvvəl Kreml Moskvadakı görüşlər zamanı Putin’in ABŞ-nin sülh planının hamısını rədd etməsi barədə deyilənlərin doğru olmadığını bildirib. Prezidentin sözçüsünə görə, planın bəzi hissələri qəbul olunub, bəziləri isə qəbuledilməzdir.

Putin çərşənbə axşamı açıqlamasında Rusiyanın Avropa ilə döyüşmək istəmədiyini, amma lazım gələrsə müharibəyə hazır olduğunu deyib.

Böyük Britaniyanın baş naziri Keir Starmer-in sözçüsü isə bu açıqlamaları “sülhə ciddi yanaşmayan prezidentin daha bir Kreml mənasız bəyanatı” adlandırıb.

Mənbə: BBC news 

Ayisə Şərifova