NATO-nun kritik Zirvə toplantısında Türkiyənin mövqeyi necə olacaq?

NATO liderləri Hollandiyanın Haaqa şəhərində ikigünlük sammit üçün bir araya gəlir. Türkiyə üçün də əhəmiyyətli olan sammitdə 32 üzv ölkənin mövcud təhlükəsizlik mühitinə uyğun olaraq müdafiə xərclərinin artırılması müzakirə olunacaq.

Bu çərçivədə 2014-cü ildə ümumi daxili məhsulun (ÜDM) 2%-i olaraq təyin olunan cari hədəfin ara düsturla 5%-ə yüksəldilməsi gözlənilir. Türkiyənin də bu məsələdə mövqeyi bəlli olub.

Mövcud təhlükəsizlik mühitində 2%-lik nisbətin artırılması yanaşması ilə son vaxtlar tam razılaşan Türkiyə, sammit öncəsi 5%-lik hədəfə yaşıl işıq yandırıb.

BBC Türkcəyə məlumat verən türk rəsmiləri, NATO məlumatlarına görə müdafiə xərcləri 2,09% olan Türkiyənin müdafiə sahəsində mövqeyini gücləndirərək müəyyən etdiyi yeni hədəfə mərhələli şəkildə çatmaqda heç bir problem yaşamayacağını proqnozlaşdırır. Bu hədəfə nail olmaq digər üzv ölkələr kimi Türkiyə üçün də əlavə yük yaradacaq.

NATO-nun ikinci böyük ordusuna sahib olan Türkiyə, kollektiv yükün üzərinə düşən hissəsini ən yaxşı şəkildə yerinə yetirməyə davam edəcəyi mesajını verir.

BBC News
Aysel Mirzəyeva