NATO Yaxın Şərq münaqişəsini gündəmə çıxarmayacaq

NATO-nun Haaqada keçiriləcək sammitinin rəsmi gündəmində Yaxın Şərqdə – xüsusilə İsrail, ABŞ və İranın cəlb olunduğu münaqişə məsələsi yer almayacaq. Mövzuya yalnız pərdəarxası və qeyri-rəsmi müzakirələr səviyyəsində toxunula bilər.

Bu barədə məlumatı Polşanın müdafiə naziri Vladislav Kosinyak-Kamış "TVP" telekanalına açıqlamasında verib.

“Yaxın Şərqdəki münaqişə NATO ölkələrinin dövlət və hökumət başçılarının nahar zamanı qeyri-rəsmi söhbət mövzusu olacaq. Bu məsələ rəsmi iş sessiyalarında deyil, əsasən dəhlizlərdə müzakirə ediləcək. NATO bu münaqişədə heç bir formada iştirak etmir”, – deyə nazir bildirib.

Mənbə: Caliber

Aytən Ağazadə