Nepalda təyyarə qəzaya uğradı: yeganə sağ qalan pilot

Nepalın paytaxtı Katmandudan havaya qalxan təyyarənin qəzaya uğraması və alışması nəticəsində 18 nəfər həlak olub.

Hazırda xəstəxanada müalicə alan pilot ölümlə nəticələnən qəzadan sağ qalan yeganə şəxsdir.

Saurya Hava Yollarının sınaq uçuşunda on doqquz nəfər, o cümlədən aviaşirkətin texniki işçiləri və iki ekipaj üzvü olub.

Nepal Mülki Aviasiya Administrasiyasının axtarış və xilasetmə koordinasiya mərkəzinin verdiyi açıqlamaya görə, təyyarə Tribhuvan Beynəlxalq Hava Limanından havaya qalxdıqdan bir neçə dəqiqə sonra baş verib.

Çərşənbə günü Saurya Hava Yollarının sınaq reysi müntəzəm texniki yoxlamanın bir hissəsi olaraq Pokhara'ya uçdu. 

Bununla belə, Tribhuvan Beynəlxalq Hava Limanının rəhbəri bildirib ki, ilkin qiymətləndirmə təyyarənin yanlış istiqamətdə uçduğunu göstərib. Cənab Niraula qeyd edib: "O havaya qalxan kimi sağa döndü, lakin sola dönməli idi".

Hadisənin görüntülərində təyyarənin yerə çırpılmadan əvvəl uçuş-enmə zolağından yuxarı əyildiyi, alovlandığı görünür. Tezliklə od və tüstü ilə əhatə olundu.

Fotolarda xilasedicilərin təyyarənin böyük hissələrinin tamamilə qaralmış və kömürləşdiyi görünür. 

Hadisə yerinə yanğınsöndürən və təcili yardım maşınları cəlb olunub.

Ölənlərdən 17-si Nepallı, biri isə mühəndis işləyən Yəmən vətəndaşıdır.

Polis sözçüsü Dan Bahadur Karki bildirib ki, pilot gözləri və alnından xəsarət alıb, lakin həyatı təhlükəsi yoxdur.

Mənbə: BBC NEWS

Elnurə Kərimova