Pakistanda etirazçılar ABŞ konsulluğuna hücum edib, ölənlər var

Pakistanda ABŞ konsulluğu yaxınlığında baş verən kütləvi toqquşmalar nəticəsində həlak olanların sayı 10-a yüksəlib, daha 31 nəfər isə müxtəlif dərəcəli bədən xəsarətləri alıb.

"İnformator.az" xəbər verir ki, bu barədə Pakistanın "Dawn" qəzeti məlumat yayıb.

Əvvəlki məlumatlarda 9 nəfərin öldüyü bildirilirdi.

Nəşrin məlumatına görə, kütləvi etiraz aksiyaları İranın Ali Rəhbəri Ayətullah Əli Xameneinin ölüm xəbərinin rəsmən təsdiqlənməsindən sonra alovlanıb.

Bildirilir ki, qəzəbli nümayişçilər polis əməkdaşlarına daş atıb, hüquq-mühafizə orqanları isə kütləni dağıtmaq məqsədilə gözyaşardıcı qazdan istifadə edib. Eyni zamanda, "NDTV" telekanalı onlarla etirazçının ABŞ konsulluğunun ərazisinə soxulduğunu iddia edib.