Pakistanda səma nadir “od göy qurşağı” ilə rənglənib

Pakistənin Bəlucistan əyalətinin Ketta vadisi səmasında “od göy qurşağı” müşahidə edilib.

Sakinlər günün ilk işıqları ilə nəfəskəsici mənzərə ilə qarşılaşıblar. Parlaq rəng çalarları hadisəyə şahidlik edənlərin mobil telefon kameralarına əks olunub. Yerli əhali “od göy qurşağı”nın bir neçə saat göründüyünü, yerli vaxtla saat 6:20 radələrində isə yoxa çıxdığını bildirib.“Nadir rast gəlinən təbiət hadisəsi” kimi qiymətləndirilən “od göy qurşağı” günəş şüalarının sirrus buludlarının daxilindəki buz kristallarında qırılması nəticəsində yaranır.

CNN

Mələk Hüseynova