Pakistanda yeni zorakı toqquşmalardan sonra siyasi gərginlik artır
Bu həftə təhlükəsizlik qüvvələri ilə həbsdə olan keçmiş Pakistan baş naziri İmran Xanın tərəfdarları arasında yeni zorakı toqquşmalardan sonra Pakistan daha da gərgin bir siyasi mərhələyə qədəm qoymağa hazır görünür.
Xanın partiyası çərşənbə axşamı Pakistanın paytaxtı İslamabadda baş verən toqquşmaları "qırğın" adlandırıb və təxminən 100 nəfərin güllə yarası aldığını iddia edib. Pakistan hökuməti isə döyüş sursatından istifadə edildiyini inkar edib və heç bir ölüm hadisəsinin olmadığını bildirib.
Xanın partiyası necə hərəkət edəcəyi barədə qərarsız görünürdü.
Çərşənbə günü bir sözçü partiyanın İslamabaddakı etirazlarını dayandırdığını elan etdi. Lakin yalnız bir neçə dəqiqə sonra partiyanın yüksək vəzifəli üzvü Əli Amin Qandapur qərarın necə veriləcəyinə Xanın qərar verəcəyini söylədi. Həbsdə olmasına və partiyasına qarşı dövlət təzyiqlərinə baxmayaraq, Xan güclü tərəfdar bazasına sahibdir.
"Bu mübarizə davam edəcək",- deyə Qandapur bildirib, lakin etirazların nə vaxt və harada bərpa ediləcəyini dəqiqləşdirməyib.
Mənbə:The Washington Post
Nuray Qurbanlı
