Pezeşkian: Sanksiya tətbiq etsələr, yüzlərlə seçimimiz var

İran Prezidenti Məsud Pezeşkian, əgər ABŞ diplomatiya əvəzinə sanksiya siyasətini seçərsə, ölkəsinin problemləri aradan qaldırmaq üçün “yüzlərlə seçiminin” olduğunu bildirib.

Prezident Pezeşkian paytaxt Tehranda keçirilən mərasimdə çıxışı zamanı İranın ABŞ ilə danışıqlar prosesini dəyərləndirib. O deyib:

“Bu gün bəziləri Amerikanın bizimlə eyni fikirdə olub-olmayacağını düşünür, lakin biz ölkə daxilində həmrəy olsaq və ədalət əsasında bacarıqlı insanlara və xalqın layiqli nümayəndələrinə iş imkanı versək, heç kimə ehtiyacımız qalmaz”.

Pezeşkian, ABŞ ilə danışıqların uğursuz olma ehtimalı ilə bağlı isə belə deyib:

“Problemləri həll edə biləcəyimizə inanmalıyıq. Əgər bizimlə danışıqlara girməsələr və sanksiyalar tətbiq etsələr, biz aclıqdan öləcək deyilik. Yüzlərlə yolumuz var. Bu ölkənin seçkin vətəndaşlarının fəal şəkildə çalışması lazımdır. Ölkənin və millətin alimlərə və istedadlı insanlara ehtiyacı var. Bu dəyərli şəxslər səhnəyə çıxmalıdır”.

Haber Global 

Nuray Əliyeva