PKK-nın buraxılması qərarı dönüş nöqtəsidir

ABŞ-nin Ankaradakı Səfirliyi PKK-nın buraxılması qərarı ilə bağlı açıqlama verib. Açıqlamada bildirilib: “PKK-nın buraxılması qərarı dönüş nöqtəsidir. Mədəni dünyada terrorun gələcəyi yoxdur. Amerika Birləşmiş Ştatları daimi sülh və təhlükəsizlik yolunda irəliləyən NATO müttəfiqimiz Türkiyənin yanındadır”.

Baş verən hadisə siyasətin bir nömrəli gündəminə çevrilib və beynəlxalq siyasətdə də zəlzələ effekti yaradıb. ABŞ-dən ilk açıqlama isə ABŞ-nin Ankaradakı Səfirliyindən gəlib.

Açıqlamada həmçinin qeyd olunub: “ABŞ Dövlət Katibi Rubio, Türkiyə Respublikasının Xarici İşlər Naziri Hakan Fidan ilə görüşərək dəstəyimizi bir daha ifadə edib. Amerika Birləşmiş Ştatları daimi sülh və təhlükəsizlik yolunda irəliləyən NATO müttəfiqimiz Türkiyənin yanındadır. Mədəni dünyada terrorun gələcəyi yoxdur”.

Haberler.com

Aygün Babayeva