Putin-Tramp sammiti lazımi hazırlıqlardan sonra baş tutacaq

Kremlin sözçüsü Dmitri Peskov Rusiya Prezidenti Vladimir Putin və ABŞ Prezidenti Donald Tramp arasında sammitin lazımi hazırlıqlardan sonra mümkün qədər tez baş tutacağına ümid etdiklərini bildirib.

Peskov Moskvada jurnalistlərin müxtəlif cari məsələlərlə bağlı suallarını cavablandırıb. Almaniyanın müdafiə naziri Boris Pistoriusun Rusiya ilə NATO arasında müharibə təklif etməsi ilə bağlı şərhlərinə münasibət bildirən Peskov deyib: "Bu cür militarist ritorika Avropa paytaxtlarında getdikcə daha çox eşidilir. Rusiya NATO ilə münaqişəni dəstəkləmir, amma biz məcburuq və qanuni maraqlarımızı təmin etmək üçün tədbirlər görməliyik".

Peskov bildirib ki, əsir mübadiləsi ilə bağlı Ukrayna ilə ekspert səviyyəsində əlaqələr davam edir. Putin və Tramp arasında mümkün sammitlə bağlı Peskov deyib: "Ümid edirik ki, bu, sammitə hazırlıqlar başa çatdıqdan və lazımi şərtlər yerinə yetirildikdən sonra baş verəcək. Bu şərtlərin nə vaxt yaranacağını proqnozlaşdırmaq mümkün deyil, amma təbii ki, hamımız onların mümkün qədər tez baş tutmasını istəyirik". Peskov ABŞ-də Rusiya ilə ticarəti davam etdirən ölkələrlə bağlı qanun layihəsinin irəliləyişini izlədiklərini və qanun layihəsinin qəbulunu Rusiyanın "son dərəcə mənfi" qarşılayacağı vurğulanıb.

TRT Xəbər
Xədicə Məhərrəmli