Putin və Uitkoff bunları müzakirə edib

ABŞ prezidentinin xüsusi elçisi Stiv Uitkoffun Moskvaya gətirdiyi təkliflər Ukraynada milli azlıqların hüquqlarının və dini azadlıqların təmin edilməsini tələb edir.

"İnformator.az" xəbər verir ki, bunu Rusiyanın xarici işlər naziri Sergey Lavrov deyib.

“Stiv Uitkoffun Rusiya prezidenti ilə ətraflı müzakirə etdiyi təkliflərdə Ukraynanın qalan hissəsində beynəlxalq öhdəliklərə uyğun olaraq milli azlıqların hüquqlarının və dini azadlıqların təmin edilməsinin zəruriliyi xüsusi qeyd olunub”, - o bildirib. Qeyd edək ki, Rusiya Prezidenti Vladimir Putinin ABŞ nümayəndələri ilə danışıqları dekabrın 3-də keçirilib.