Putinlə ancaq bu halda görüşə bilərəm – Tramp

ABŞ Prezidenti Donald Tramp Rusiya lideri Vladimir Putinlə görüşün yalnız Rusiya-Ukrayna münaqişəsində sülh üçün real imkanlar göründükdə baş tutacağını bildirib.

"İnformator.az"xəbər verir ki, bu sözləri Tramp Malayziya səfəri öncəsi Dohada olarkən mətbuat nümayəndələri ilə söhbət zamanı deyib.

“Biz razılaşma əldə edəcəyimizi bilməliyik”, - deyə Tramp qeyd edib.

Bundan əlavə, Tramp Rusiya-Ukrayna münaqişəsində sülh prosesinin gedişatında olan məyusluğunu dilə gətirib. O, daha sonra Putinlə çox yaxşı münasibətlərinin olduğunu da vurğulayıb.