Qalatasarayda RFS matçı öncəsi Viktor Osimhenin qərarı!

Sarı-qırmızılı komanda cümə axşamı UEFA Avropa Liqasında səfərdə Riqas Skola (RFS) ilə qarşılaşacaq. Kasımpaşa matçında zədələnərək oyunu tərk edən nigeriyalı futbolçunun riskə atılmayacağı öyrənilib.

"Qalatasaray"ın "Kasımpaşa" matçında zədələnərək oyunu tərk edən Viktor Osimhenin MRT-si bu gün çəkiləcək. Vəziyyəti ciddi görünməyən nigeriyalı futbolçunun cümə axşamı UEFA Avropa Liqasında oynanılacaq Riqas Skola matçında heç bir problem olmasa belə riskə alınmayacağı öyrənilib.

Bu arada dünən istirahət edən sarı-qırmızılılar bu gün edəcəkləri məşqlə hazırlıqlarını davam etdirəcək.

Mənbə: Milliyet
Fatimə Abdulrəhimli