Belçika kralı və kraliçasının Qazaxıstana ilk səfəri zamanı ölkələr Orta Dəhliz üzrə əməkdaşlığı gücləndirməyi planlaşdırır. Əsas məqsədlərdən biri Belçikanın Antverpen-Brügge limanı ilə Qazaxıstanın Xəzər dənizindəki Aktau və Kurık limanları arasında tərəfdaşlıq qurmaqdır.

Qazaxıstan Prezidenti Kasım-Jomart Tokayev Astanada keçirilən Belçika-Qazaxıstan Biznes Şurasının iclasında ölkəsinin ticarət əlaqələrini daha da genişləndirmək niyyətində olduğunu vurğulayıb.

Belçika kralı Filip və kraliçanın da qatıldığı tədbirdə çıxış edən dövlət başçısı bildirib ki, Orta Dəhliz boyu ticarəti gücləndirmək üçün Antverpen-Brügge limanı ilə Xəzər dənizindəki Aktau və Kurık limanları arasında sıx tərəfdaşlıq qurulması hədəflənir. Tokayev həmçinin qeyd edib ki, Qazaxıstan bu strateji marşrut üzrə dəmir yolları, magistrallar, dəniz limanları və terminalların inkişafına böyük sərmayələr yatırır.

“Bu baxımdan, Belçikanın Avropanın əsas logistika mərkəzlərindən biri kimi zəngin təcrübəsi bizim üçün xüsusi əhəmiyyət daşıyır. Antverpen-Brügge limanı ilə Aktau və Kurık limanları arasında konkret tərəfdaşlığın qurulmasını gözləyirik. Bu, metallarımız, neft-kimya məhsullarımız və kənd təsərrüfatı məhsullarımız üçün daha geniş bazarlara çıxış imkanı yarada bilər”, - deyə o bildirib.

Euronews

Zəri Bayramlı