Qırğızıstan 30 noyabrda növbədənkənar parlament seçkilərinə hazırlaşır

Qırğızıstan 2025-ci il noyabrın 30-da növbədənkənar parlament seçkiləri keçirəcək. Bu qərar parlamentin sentyabr ayında özünü buraxmasından və gələn il parlament və prezident seçkilərinin üst-üstə düşməsinin qarşısını almaq məqsədindən irəli gəlib. Prezident Sadır Japarov iki böyük seçkinin qısa vaxt ərzində təşkili və maliyyələşdirilməsinin çətinlik yaradacağını bildirərək parlamentin buraxılmasını təklif edib.

Mərkəzi Seçki Komissiyasının məlumatına görə, seçkilər üçün təxminən 200 namizəd qeydə alınıb, ölkə üzrə 4 milyondan çox seçici səsvermə hüququna malikdir. Seçkiöncəsi qısa kampaniya müddətində Bişkek və digər şəhərlərdə posterlər və təbliğat çadırları geniş yayılıb.

Analitiklər pro-hökumət Ata-Cürt Qırğızıstan partiyasının seçkilərdə üstünlük qazanacağını ehtimal edirlər. Qırğızıstan parlamenti Joqorku Keneş 5 illik müddətə seçilən 90 deputatdan ibarətdir.

ATƏT/DTİHB seçki prosesini müşahidə etmək üçün missiya göndərib və ilkin qiymətləndirmələri səsvermədən sonra açıqlanacaq. Prezident seçkilərinin isə 2027-ci ilin yanvarında planlaşdırıldığı kimi keçiriləcəyi gözlənilir.

ANEWZ

Güllər Gülhüseynova