Qırğızıstanda növbədənkənar parlament seçkilərində səsvermə başlayıb

Qırğızıstanda səhər saat 8:00-da (Bakı vaxtı ilə səhər saat 6:00) seçki məntəqələri Joqorku Keneşə (birpalatalı parlament) növbədənkənar seçkilər üçün açılıb.

"İnformator.az" xəbər verir ki, ölkədə səkkizinci çağırışa 90 deputat seçiləcək. Səsvermə majoritar sistemdən istifadə etməklə aparılır: hər birində üç deputat seçilən 30 seçki dairəsi yaradılıb.

Parlament yerləri uğrunda ümumilikdə 460 namizəd mübarizə aparır.