Qəzzada məktəb bombalanıb

Xəstəxana direktorları BBC-yə bildiriblər ki, İsrailin gecə saatlarında Qəzzaya aviazərbələri zamanı ən azı 54 fələstinli - əksəriyyəti köçkün ailələrə sığınan məktəb binasında həlak olub. Qəzza şəhərindəki Fəhmi Əl-Cərqavi məktəbində hazırda İsrail ordusunun intensiv hücumu altında olan Beyt Lahiadan olan yüzlərlə insan yaşayırdı. Məktəbin vurulması nəticəsində azı 35 nəfərin öldüyü bildirilir.

Qəzzanın Həmas idarə etdiyi Mülki Müdafiəsi bildirib ki, çoxlu cəsədlər, o cümlədən uşaqların cəsədləri çıxarılıb – yanğınlar yaşayış məntəqəsi kimi xidmət edən iki sinif otağını bürüdükdən sonra bir çoxu ciddi şəkildə yanıb. İsrail Müdafiə Qüvvələri (IDF) orada "Həmas və İslami Cihad"ın komanda və nəzarət mərkəzini hədəf aldığını bildirib. İDF ərazinin “terrorçuların İsrail mülki əhalisinə və İDF əsgərlərinə qarşı hücumlar planlaşdırmaq üçün” istifadə edildiyini bildirib və HƏMAS-ı Qəzzə əhalisindən canlı qalxan kimi istifadə etməkdə ittiham edib.

İnternetdə paylaşılan video görüntülərdə məktəbin bəzi hissələrini yandıran böyük yanğınlar, uşaqlar da daxil olmaqla ciddi şəkildə yanmış qurbanların və ağır xəsarətlər alan sağ qalanların qrafik təsvirləri əks olunub.

Mənbə: BBC news
Aysel Mirzəyeva