Qəzzada ölənlərin sayı 67 938 nəfərə çatıb

İsrail ordusunun Qəzza zolağına hücumları nəticəsində ölənlərin sayı son 24 saatda 25 nəfər artaraq 67 938 nəfərə çatıb.

Qəzza Səhiyyə Nazirliyi, İsrailin soyqırım hücumları nəticəsində ölən və yaralananlar, eləcə də dağıntılar altından son vaxtlar çıxarılan cəsədlərlə bağlı son məlumatlarla bağlı yazılı açıqlama yayıb.

Bildirilib ki, son 24 saatda 16-sı dağıntılar altından xilas edilən 25 ölü və 35 yaralı Qəzza zolağındakı xəstəxanalara çatdırılıb.

Bəyanatda həmçinin qeyd olunub ki, əvvəlki hücumlarda yaralanan 1 nəfər ölüb.

İsrailin Qəzza zolağına 2023-cü il oktyabrın 8-də başlayan hücumları nəticəsində ölənlərin sayı 67 min 938, yaralıların sayı isə 170 min 169-a yüksəlib.

Qəzza zolağında minlərlə ölünün hələdə dağıntılar altında olduğu bildirilib.

Qəzzada Atəşkəs və Məhbus Mübadiləsi Sazişi

ABŞ Prezidenti Donald Tramp oktyabrın 9-da Misirdə davam edən danışıqlarda İsrail və HƏMAS-ın Qəzzada atəşkəs planının birinci mərhələsini təsdiqlədiyini açıqlayıb.

Danışıqların aparıldığı Misirdə imzalanan saziş İsrail hökumətinin təsdiqi ilə oktyabrın 10-da qüvvəyə minib.

İsrail ordusu razılaşmada nəzərdə tutulduğu kimi “sarı xətt”dən geri çəkildikdən sonra Qəzza zolağında atəşkəsin həmin gün saat 12:00-da qüvvəyə mindiyi açıqlanıb.

Ötən gün İsrail ordusunun Qəzza zolağında atəşkəsin qüvvəyə minməsinə baxmayaraq, evlərinə qayıtmağa çalışan fələstinlilərə atəş açması nəticəsində 7 nəfərin həlak olduğu bildirilib.

HƏMAS hücumları İsrail ordusunun bir neçə gün əvvəl qüvvəyə minmiş atəşkəs rejimini pozması kimi qiymətləndirib.

Trt Haber
Aydan Əsgərxanlı