Qəzzada ölənlərin sayı 67 mini keçib

İsrailin 7 oktyabr 2023-cü ildən Qəzza zolağına hücumları nəticəsində ölənlərin sayı 67 211 nəfərə, yaralıların sayı isə 169 961 nəfərə çatıb.

İsrail və HƏMAS arasında Misirdə atəşkəs danışıqlarının müsbət nəticələrinə baxmayaraq , bölgədə 7 oktyabr 2023-cü ildən bəri davam edən hücumlarda ölənlərin sayı artmaqda davam edir.Fələstin Səhiyyə Nazirliyi son 24 saat ərzində 17 mülki vətəndaşın və 71 yaralının cəsədinin Qəzza xəstəxanalarına çatdırıldığını açıqlayıb. Nazirlik həmçinin bəyan edib ki, İsrailin Qəzza zolağında atəşkəsi birtərəfli qaydada pozduğu martın 18-dən indiyədək həlak olan fələstinlilərin sayı 13 min 598, yaralıların sayı isə 57 min 849 nəfərə çatıb.

Fələstin Səhiyyə Nazirliyi də İsrailin hücumlarının başladığı 7 oktyabr 2023-cü ildən bu yana ölənlərin ümumi sayının 67 211 nəfərə, yaralı sayının isə 169 961 nəfərə yüksəldiyini açıqlayıb.

Yardım paylama məntəqələrində 5 nəfər yaralanıb.

İsrailin yardım məntəqələrinə hücumlarını davam etdirdiyini də açıqlayan Səhiyyə Nazirliyi, son 24 saatda sözügedən bölgələrdə itki olmadığını, lakin 5 nəfərin yaralandığını bildirdi. Nazirliyin açıqladığı son məlumatlarla Qəzzada humanitar yardım paylama məntəqələrinə İsrailin hücumları nəticəsində ölənlərin sayı 2615, yaralıların sayı isə 19182-yə yüksəlib.

Atəşkəs bu gün saat 12:00-da qüvvəyə minib.

İsrail Müdafiə Qüvvələri (IDF) bu gün Qəzzada Həmas ilə əldə olunan atəşkəs razılaşmasının saat 12:00-da qüvvəyə mindiyini açıqlayıb. Bəyanatda həmçinin qeyd olunub ki, İsrail qoşunları atəşkəs razılaşmasına əsasən girovların geri qaytarılmasına hazırlıq məqsədilə saat 12:00-dan etibarən yenilənmiş yerləşdirmə xətləri üzrə mövqe tutmağa başlayıblar.

Haber Global

Gülay Səlifova