Qəzzadan təxliyə olunan bir yaşlı fələstinli qız yenidən xəstəxanaya yerləşdirilib

Qəzzadan ağır qidalanma problemləri səbəbilə təxliyə olunan bir yaşlı fələstinli qız İordaniyadan geri qaytarıldıqdan sonra yenidən ərazidə xəstəxanaya yerləşdirilib. BBC-nin bir neçə aydır izlədiyi Siwar Aşur dekabrın 3-də Ammanda tibbi müalicəsini tamamladıqdan sonra Qəzzaya repatriasiya olunub.

O, İordaniya Krallığının həyata keçirdiyi tibbi təxliyə proqramı çərçivəsində altı ay ərzində Ammanda xəstəxanada müalicə alıb. Qızın nənəsi Sahar Aşur bildirib ki, Siwar Qəzzaya qayıtdıqdan üç gün sonra yenidən xəstələnib.

“İshal və qusma başlayıb və vəziyyəti getdikcə ağırlaşır. İshal dayanmır”, – deyə o, Qəzzada BBC üçün çalışan frilans jurnalistə bildirib.

Qeyd edək ki, müharibənin təxminən iki il əvvəl başlamasından bu yana İsrail beynəlxalq jurnalistlərin Qəzzaya müstəqil şəkildə daxil olmasına qadağa qoyub.

BBC NEWS
Banu Məmmədova