Randrianirina prezident andı içib

Madaqaskarın hərbi çevriliş lideri Randrianirina prezident kimi and içib.

Ölkənin əvvəlki lideri Andry Rajoelina, deputatlar tərəfindən səlahiyyətlərindən azad edildikdən sonra xaricə qaçıb. O, çevrilişi pisləyib və təhlükəsizlik qüvvələrinin geniş miqyaslı üz döndərmələrinə baxmayaraq istefa verməkdən imtina edib.

Afrika İttifaqı və Birləşmiş Millətlər Təşkilatının baş katibi Antonio Quterres çevrilişi pisləyib. Hadisələr, “Gen Z” adlanan gənclərin həftələrlə davam edən etirazlarından sonra baş verib.

Randrianirina yüksək Konstitusiya Məhkəməsində keçirilən mərasimdə bildirib:

“Prezident kimi mənə etibar edilmiş səlahiyyətləri tam, ədalətli şəkildə icra edəcəyəm və bütün gücümü milli birliyi və insan haqlarını qorumağa həsr edəcəyəm".

O, əvvəlcədən də bildirib ki, ordu hakimiyyəti ələ alıb və aşağı palata, Milli Məclis istisna olmaqla bütün dövlət institutlarını ləğv edib. Randrianirina həmçinin qeyd edib ki, ordu rəhbərliyində bir komitə və keçid hökuməti maksimum iki il müddətində idarəçilik aparacaq və sonrasında yeni seçkilər keçiriləcək.

ANEWZ

Güllər Gülhüseynova