Ərdoğan sabah Putinlə danışıqlar aparacaq

Türkiyə Prezidenti Rəcəb Tayyib Ərdoğan sabah rusiyalı həmkarı Vladimir Putinlə telefon danışığı aparmaq niyyətindədir.

"İnformator.az" xəbər verir ki, bu barədə Ərdoğan G20 zirvəsi çərçivəsində Cənubi Afrika Respublikasında keçirilən mətbuat konfransında deyib.

O bildirib ki, Ankara Ukrayna ilə Rusiya arasında sülhün təmin edilməsi üçün bütün imkanları səfərbər edib:

"Rusiya-Ukrayna sülhünə gedən yolda Türkiyə olaraq əlimizdən nə gəlirsə edəcəyik. Bu istiqamətdə hər cür dəstəyi verməyə hazırıq və ümid edirəm ki, bunu bacaracağıq".