Ruhani: İran və Azərbaycanın dəmir yolları 2016-cı ilin sonuna birləşdiriləcək

İran və Azərbaycanın dəmir yolları 2016-cı ilin sonuna birləşdiriləcək.

İnformator.az Trend-ə istinadla verdiyi məlumata görə, bunu İran Prezidenti Həsən Ruhani Tehranda Azərbaycan Prezidenti İlham Əliyev ilə birgə keçirilən mətbuat konfransında deyib.

H.Ruhani bildirib: \"Tranzit məsələlərinə və \"Şimal-Cənub\" dəhlizinə gəlincə, Astara (İran) və Astara (Azərbaycan) dəmir yollarının cari ilin sonunadək birləşməsi vacib hadisə olacaq\".

\"Şimal-Cənub\" dəmir yolu Şimali Avropanı Cənub-Şərqi Asiya ilə birləşdirəcək. O, Azərbaycan, İran və Rusiya dəmir yollarının birləşməsi üçün birləşdirici hissə olacaq.