Rus ordusu bu şəhərə girib- Ukraynalılar təşvişdə

Rus ordusunun müəyyən bir şəhərə daxil olması müharibənin gedişatında dönüş nöqtəsi kimi qiymətləndirilə bilər.

Bu məsələ ilə bağlı politoloq Züriyyə Qarayeva " İnformator.az"a açıqlamasında bildirib ki, əgər bu irəliləyiş strateji əhəmiyyətə malik bölgədə baş veribsə, həm cəbhə xəttində balansı dəyişə, həm də Ukrayna tərəfinin müdafiə imkanlarını zəiflədə bilər:

"Bu, həm də tərəflər arasında danışıqların şərtlərinə təsir göstərərək Rusiyanın daha sərt mövqedən çıxış etməsinə yol aça bilər. Ukraynalıların təşvişi yalnız hərbi aspektlərlə bağlı deyil. Şəhərlərin işğalı həm mülki əhali üçün humanitar böhran, məcburi köçkünlərin artması, infrastrukturun dağılması deməkdir. Buna görə də narahatlıq həm müharibənin cəbhə xətlərində yaratdığı təhlükələrdən, həm də gündəlik həyatın pozulmasından qaynaqlanır".

Həmçinin ekspert dediklərinə əsasən söyləmək olar ki,
Beynəlxalq tərəflərin reaksiyası əsasən qınama və narahatlıq şəklində olur:

"Qərb ölkələri Ukraynaya siyasi və hərbi dəstəyini davam etdirəcəklərini bəyan edə bilərlər, eyni zamanda yeni sanksiyalar paketi müzakirəyə çıxarıla bilər. Digər tərəfdən, bir sıra dövlətlər vəziyyətin gərginləşməsinin regional və qlobal sabitliyə mənfi təsir göstərəcəyini vurğulayaraq tərəfləri sülh danışıqlarına çağırırlar. Ümumilikdə bu hadisə göstərir ki, müharibə yalnız hərbi qarşıdurma deyil, həm də siyasi, sosial və humanitar nəticələri ilə bütün region üçün təhlükə mənbəyinə çevrilməkdədir".

Gülcan Salahova