Rusiya, ABŞ-la Diplomatik Əlaqələri Casus Şəbəkəsi Üçün Bərpa Edir

Rusiya, Tramp administrasiyası ilə ABŞ-də əhəmiyyətli diplomatik mövcudluğunu yenidən qurmaq barədə aparılan danışıqlara, Qərbdəki casus şəbəkəsini bərpa etmək imkanı kimi baxır, hazırkı və keçmiş ABŞ rəsmiləri bildirir.

ABŞ və Rusiya, bu ayın əvvəlində Prezident Donald Tramp və Rusiya Prezidenti Vladimir Putin arasında baş tutan telefon danışığı və ardınca Ər-Riyadda keçirilən yüksək səviyyəli görüşdən sonra, müvafiq səfirlik və konsulluqlarının adi fəaliyyətini bərpa etmək üçün danışıqlara başlamağa razılaşıblar.

Cümə axşamı, ABŞ və Rusiya nümayəndə heyətləri Türkiyədə bir araya gələrək kadr sayı, vizalar, diplomatik bankçılıq və digər əməliyyat məsələləri kimi daha detallı mövzuları müzakirə ediblər. ABŞ Dövlət Departamenti iki ölkənin “konstruktiv” danışıqlar apardığını və yaxın gələcəkdə müzakirələri davam etdirmək barədə razılığa gəldiklərini bildirib.

Dövlət katibi Marko Rubio, adi diplomatik xidmətlərin və kommunikasiyanın bərpasının vacibliyini vurğulasa da, hazırkı və keçmiş ABŞ və Qərb rəsmiləri bu danışıqların Moskva üçün ciddi güzəşt anlamına gəldiyini bildirir. Onların fikrincə, Rusiya Vaşinqton, Nyu-York və Hyustondakı səfirlik və konsulluqlarında diplomatik örtük altında kəşfiyyatçılarını yenidən yerləşdirmək istəyir.

CNN

Nuray Qurbanlı