Rusiya Amerikanın Aya ayaq basdığını rəsmən qəbullanıb

Rusiyanın "Roskosmos" kosmik agentliyinin rəhbəri Yuri Borisov amerikalı astronavtların həqiqətən Aya ayaq basdıqlarını qəbul edərək açıqlamalar edib.

Amerikalı astronavtlar Neil Armstronq və Buzz Aldrin Apollo 11 missiyasının bir hissəsi olaraq Aya ayaq basaraq tarixdə yeni zəmin yaratdılar.

Bu tarixi hadisə bütün dünyada böyük həvəslə qarşılandı və kosmik tədqiqatlar üçün yeni səhifə açdı.

Apollo 11 missiyası 16 iyul 1969-cu ildə Kennedi Kosmik Mərkəzindən buraxılıb. Kosmik gəmiyə Neil Armstronq, Buzz Aldrin və Maykl Kollinz adlı üç astronavt daxil idi.

Kollinz Ay orbitində qalarkən, Armstronq və Aldrin 20 iyul 1969-cu ildə Ay modulu ilə səthə çıxdılar.

Astronavtlar Ayın səthində 20 saatdan çox vaxt keçirib, fotoşəkillər çəkib, qaya nümunələrini toplayıb və müxtəlif təcrübələr aparıblar.

Beləliklə, ABŞ o dövrdə Sovet İttifaqı ilə girdiyi kosmik müharibədən qalib gələ bildi.

Müzakirələr alovlandı

Apollon 11 missiyası və 1969-cu ildə Aya ilk eniş bütün dünyada böyük həvəslə qarşılansa da, o vaxtdan bəzi insanlar bu hadisənin real olmadığını iddia edirlər.

Rusiya rəsmən razılaşdı

Dövlət Dumasında çıxış edən Rusiyanın "Roskosmos" kosmik agentliyinin rəhbəri Yuri Borisov onilliklərdən sonra bu müzakirələri başa vurub.

Borisov açıqlamasında deyib:

"Amerikalıların Ayda olub-olmamasına gəlincə  mənim paylaşmalı olduğum bir həqiqət var. Şəxsən bu məsələ ilə maraqlandım.

Bir dəfə astronavtların ekspedisiyaları zamanı geri gətirdikləri Ay torpağının bir hissəsini bizə verdilər.

Rusiya Elmlər Akademiyasının  təhlil etdiyi bu Ay nümunəsinin əsl Ay materialı olduğu təsdiqlənib. 1969-cu ilin iyulunda Apollo 11 missiyası elmi yoxlamalarla təsdiqlənə bilər".

Mənbə:En Son Haber

Nəzrin Mirzəyeva