Rusiya Netanyahunun müharibə istəmədiyi ilə bağlı mesajını İrana çatdırıb

Moskva Tehrana Baş nazir Benyamin Netanyahunun İsrailin İranla müharibəni bərpa etməkdə maraqlı olmadığına dair mesajını çatdırıb.

"İnformator.az" xəbər verir ki, bu barədə İranın Xarici İşlər naziri Abbas Əraqçi deyib.

"Üç-dörd gün əvvəl Rusiya Prezidenti Vladimir Putin və Netanyahu arasında telefon danışığı olub. Ertəsi gün Moskvadakı səfirimiz Prezident Administrasiyasından Netanyahudan ölkəmizlə yeni müharibə istəmədiyini bildirən mesaj alıb", - nazir qeyd edib.