Rusiya səfiri Moldova XİN-ə çağırılıb

Rusiyanın Moldovadakı səfiri Oleq Ozerov noyabrın 20-də Xarici İşlər Nazirliyinə çağırılıb və ona Moldova ərazisi üzərində pilotsuz təyyarənin uçuşu ilə bağlı etiraz notası təqdim olunub.

"İnformator.az" "Axar.az"a istinadən məlumatına görə, Ozerov bildirib ki, Moldova rəsmiləri dronun Rusiya istehsalı olduğuna dair heç bir sübut təqdim etməyiblər. Diplomat Rusiyanın pilotsuz təyyarənin uçuşunda iştirakını təkzib edib.

Qeyd edək ki, Xarici İşlər Nazirliyi noyabrın 19-na keçən gecə baş vermiş pilotsuz təyyarə ilə bağlı insidenti kəskin şəkildə pisləyib və bunu milli suverenliyin ciddi şəkildə pozulması, vətəndaşların təhlükəsizliyinə və regionda sabitliyə təhdid kimi qiymətləndirib.