Rusiyada hərbi nəqliyyat təyyarəsi qəzaya uğrayıb

Rusiyanın İvanovo bölgəsində “An-22” tipli hərbi nəqliyyat təyyarəsinin düşdüyü bildirilib.

Rusiya Müdafiə Nazirliyinin açıqlamasında belə deyilir:

“İvanovo bölgəsində “An-22” tipli hərbi nəqliyyat təyyarəsi təmirdən sonra sınaq uçuşu zamanı insan yaşamayan bir əraziyə düşüb”.

Açıqlamada hadisə yerinə axtarış-xilasetmə qruplarının göndərildiyi, təyyarədəki heyətin taleyinin isə hələlik məlum olmadığı bildirilib.

Həmçinin təyyarənin qəzaya uğrama səbəbinin araşdırılacağı qeyd olunub.

Rusiya mətbuatında təyyarədə 7 nəfərin olduğu bildirilir.

TRT XƏBƏR
Lalə Qurbanlı