SEPAH altıncı hücum dalğasında ABŞ və İsrailin 30-a qədər hədəfinə hücum edib

İran İslam İnqilabı Keşikçiləri Korpusu (SEPAH) altıncı hücum dalğası ilə ABŞ və İsrailin bölgədəki onlarla hədəfinə hücum edib.

"İnformator.az" xəbər verir ki, bu barədə SEPAH-ın İctimaiyyətlə Əlaqələr İdarəsinin məlumatında bildirilib.

Məlumata görə, hücum zamanı raketlər və dronlardan istifadə edilib.

"Hücuma məruz qalan hədəflər arasında ABŞ-nin bölgədəki 27 bazası, eləcə də İsrail Ordusunun ümumi komandanlığının qərargahı olan Tel Nof bazası və Tel-Əvivdəki böyük müdafiə sənayesi kompleksi var idi", - açıqlamada deyilir.