Silahlı şəxslər banklara hücum edib: 1 ölü, 9 yaralı

Pakistanın Bəlucistan vilayətində onlarla silahlı şəxs polis mərkəzinə və banklara hücum edib.

"İnformator.az" xəbər verir ki, nəticədə 1 nəfər ölüb, 9 nəfər isə xəsarət alıb.

Silahlı şəxslər iki bankı yandırıb. Polislə qarşıdurmada bir neçə terrorçu zərərsizləşdirilib.

Hazırda cinayətkarların yaxalanması istiqamətində tədbirlər görülür.

Hadisə ilə bağlı hələlik heç bir terror qruplaşması məsuliyyəti öz üzərinə götürməyib.