Siqnallar verdik, seçimlər masadadır

Rusiya Prezidenti Vladimir Putin İranla Rusiya arasında strateji tərəfdaşlıq müqaviləsində “müdafiə sahəsini” əhatə edən maddələrin olmadığını bildirərək, İranla əlaqədə olduqlarını qeyd edib. “İranlı dostlarımıza müəyyən siqnallar verdik”, – deyə bəzi seçimlərin masada olduğunu bildirib. O, rus mütəxəssislərin İranda yerləşən Buşəhr Atom Elektrik Stansiyasında çalışdığını da vurğulayıb.

Putin İranda siyasi çətinliklərə baxmayaraq, xalqın birləşdiyinə diqqət çəkərək, “Bu, ümumiyyətlə hər yerdə rast gəlinən bir vəziyyətdir və İran da bu baxımdan istisna deyil”, – deyə qeyd edib.

Putin İranda olan “yeraltı zavodların” da hələ yerində olduğunu bildirib və əlavə edib: “Bu kontekstdə hamımız münaqişələri dayandırmaq, razılığa gəlmək yollarını axtarmalıyıq. Düzgün olan – düşmənçilikləri sona çatdırmağın yollarını tapmaq, həm İranın, həm də İsrailin maraqlarını təmin etməyin yollarını tapmaqdır".

Putin 2022-ci ildə Ukrayna ilə İstanbulda aparılan danışıqları xatırladaraq, “Prezident Ərdoğana təşəkkür edirik. (2022-ci ildə Ukrayna ilə) razılaşma hazırlanmışdı. Sonra (Qərblilər) dedilər ki, Rusiyanı döyüş meydanında məğlub etmək lazımdır. Hər şeyi kənara atıb bu məqsədə yönəldilər. İndi isə vəziyyət dəyişib”, – deyə bildirib.

Putin Ukrayna ilə danışıqları davam etdirməyə hazır olduqlarını qeyd edərək, “Bu danışıqların mənası var. 1200 hərbi əsirin mübadiləsi ilə bağlı razılaşmışıq. Onlardan 500-nü verərək, 400 hərbçimizi geri aldıq. 6000-dən çox hərbçi meyitini təhvil vermişik. Daha 3000 cəsədi verməyə hazırıq. Bu, faciəvi bir rəqəmdir”, – deyə bildirib.

Türkiyənin danışıqlardakı rolunu vurğulayan Putin, “İstanbuldakı danışıqların nəticəsi insani bir tərəfə malikdir. Prezident Ərdoğana təşəkkür edirik”, – deyib.

Putin rus və ukraynalı danışıqlar heyətlərinin əlaqədə olduqlarını bildirərək, “(Xarici işlər naziri Hakan) Fidan və Ərdoğan həll prosesi üçün çox səy göstərir. Tramp da səmimi şəkildə həll yolunu axtarır”, – deyə qeyd edib.

Haberler.com

Aygün Babayeva