Səmada dəhşət dolu anlar! Təyyarədə qorxu yaşanıb

Almaniyanın paytaxtı Berlindən İtaliyanın Milan şəhərinə səfər edən sərnişinlər səmada adeta dəhşəti yaşayıb. Ryanair hava yollarına məxsus təyyarə Almaniya hava sahəsində olarkən güclü türbülansa düşüb.

Qorxu dolu anların ardından təyyarə Almaniyanın Memmingen qəsəbəsində yerləşən hava limanına məcburi eniş edib.

Bild qəzetinin verdiyi məlumata görə, təyyarənin kabinəsindəki panellər və tavan örtükləri zədələnib.

179 sərnişin və 6 heyət üzvünün olduğu təyyarədə 1-i ekipaj üzvü olmaqla 9 nəfər xəsarət alıb. Yaralılardan 3 nəfər xəstəxanada müalicə altına alınıb.