Smotrich yenidən Qəzzada yəhudi məskunlaşmalarının salınacağını iddia edib

İsrailin ifrat sağçı maliyyə naziri Bezalel Smotrich Qəzza zolağının İsrail işğal ediləcəyini və fələstinlilərdən ələ keçirilən torpaqlarda yəhudi məskunlaşmalarının salınacağını iddia edib.

Qərbi Qüdsdə keçirilən konfransda çıxış edən Smotrich iddia edib ki, "Həmasın məhv edilməsindən sonra işğal və bölgəyə yəhudi immiqrasiyası olacaq".
Qəzzanın İsrailin bir hissəsi olduğunu iddia edən Smotrich deyib: "Orada İsrail məskunlaşmaları olacaq. Məskunlaşma olmayan yerdə təhlükəsizlik də yoxdur". İsrailin Həması məhv etmək üçün hərəkətə keçəcəyini və gələcəkdə Qəzza zolağında İsrail məskunlaşmalarının salınacağını israrla iddia edən Smotrich, əsas məqsədlərinin Həması məhv etmək və Qəzzanı tərksilah etmək olduğunu, lakin hələ buna nail olmadıqlarını etiraf edib. 

Smotrich bundan sonra baş verəcək hadisələrin "Qəzzanı işğal edəcəkləri, bölgədə hərbi administrasiya quracaqları, yəhudi məskunlaşmaları tikmək üçün Fələstin torpaqlarını ələ keçirəcəkləri və fələstinliləri immiqrasiyanı təşviq etmək adı altında qovacaqları" olduğunu bildirib. İfrat sağçı İsrail naziri əvvəllər Qəzzada Fələstin torpaqlarının ələ keçirilməsini və yəhudi məskunlaşmalarının salınmasını müdafiə edib.

TRT Xəbər
Xədicə Məhərrəmli