SOCAR-ın idarəsi qeyri-neft ixracından gəlirini 6 %-ə yaxın artırıb

Bu ilin yanvar-iyul aylarında Azərbaycan Dövlət Neft Şirkətinin (SOCAR) Marketinq və İqtisadi Əməliyyatlar İdarəsi 244,2 milyon ABŞ dolları dəyərində qeyri-neft məhsul ixrac edib.

"İnformator.az" ın məlumatına görə, bu barədə İqtisadi İslahatların Təhlili və Kommunikasiya Mərkəzinin "İxrac İcmalı"nın avqust sayında bildirilir.

Bildirilir ki, bu, 2024-cü ilin ilk 7 ayı ilə müqayisədə 13,2 milyon ABŞ dolları və ya 5,7 % çoxdur. Xatırladaq ki, bu ilin yanvar-iyul aylarında Azərbaycanın qeyri-neft sektoru üzrə ixracı 2024-cü ilin müvafiq dövrü ilə müqayisədə 11,4 % artaraq 2,09 milyard ABŞ dolları təşkil edib.