“Son dövrlərdə Türkiyə- Rusiya arasında gərginlik yaranıb”

Bu gün Türkiyə və Rusiyanın xarici işlər nazirləri Hakan Fidanla Sergey Lavrov arasında ikitərəfli danışıqlar keçiriləcək.

Mövzu ilə bağlı politoloq “informator.az”a açıqlamasında bildirib ki, Türkiyə və Rusiya xarici işlər nazirlərinin görüşü ikili münasibətlərin müzakirəsi gözləntiləri var:

“Çünki son dövrlərdə Türkiyə- Rusiya arasında gərginlik yaranıb. Regional məsələlərin müzakirəsi edilə bilər. İstər Suriyada baş verən son proseslər olsun, istər Ukrayna Prezidenti Zelenskinin Türkiyəyə səfəri, Amerika və Rusiya nümayəndə heyətinin Ər-Riyaddakı görüşü ola bilər. Cənubi Qafqazda baş verən proseslərin də müzakirəsini gözləmək mümkündür”. 

Politoloq, Türkiyə- Rusiya münasibətlərindən də danışıb:

“Türkiyə- Rusiya arasında müəyyən soyuqluq hiss olunmaqdadır. Bunun da həll variantı dioloq münasibətlərin davam etdirilməsidir. Rusiya-Ukrayna müharibəsini dayanması üçün Türkiyənin təklifləri ola, Türkiyə ilə Rusiya hansı məsələlərdə uzlaşa bilərlər və.s müzakirələr edə bilərlər”. 

Kəmalə Vəliyeva