Suriya üsyançıları Hələb şəhərinə daxil olub

Müşahidə qrupu bildirir ki, üsyançı qüvvələr Suriyanın ikinci ən böyük şəhəri olan Hələbin bəzi hissələrinə daxil olub. Bu, illərdir hökumətə qarşı həyata keçirilən ən böyük hücumlardan biridir.

Böyük Britaniyada yerləşən müşahidə qrupu döyüşçülərin iki avtomobil bombası partlatdığını və daha sonra məhəllələrə doğru irəlilədiyini bildirib, lakin əlavə təfərrüatlar təqdim etməyib.

Eyni zamanda, Suriya dövlət xəbər agentliyinin məlumatına görə, hökumət qüvvələri İdlib və Hələb ətrafındakı üsyançıların aldığı mövqeləri geri qaytarıb.

İslamçı militant qrup Hayat Təhrir əl-Şam (HTŞ) və müttəfiq fraksiyalar çərşənbə günü hücuma başlayaraq Hələb və İdlib əyalətlərində bir sıra şəhər və kəndləri ələ keçirdiklərini bəyan edib.

Mənbə: BBC world news

Zəhra Məmmədova